హైదరాబాద్ గాంధీ ఆసుపత్రిలో BSc నర్సింగ్ విద్యార్థిని మృతి

హైదరాబాద్ గాంధీ ఆసుపత్రిలో BSc నర్సింగ్ సెకండ్ ఇయర్ చదువుతున్న పల్లవి మృతి చెందింది. ఆమె కొన్ని రోజుల క్రితం ఛాతీకి సంబంధించిన సమస్యతో అదే ఆసుపత్రిలో అడ్మిట్ అయింది.

డాక్టర్లు సర్జరీ చేశారు. మొదటి సర్జరీ విఫలమైన తర్వాత రెండోసారి సర్జరీ చేశారు. అయినా రక్తస్రావం ఆగలేదని, పరిస్థితి విషమించి పల్లవి మృతి చెందిందని కుటుంబ సభ్యులు తెలిపారు.

డాక్టర్ల నిర్లక్ష్యమే ఆమె మృత్యువుకు కారణమని కుటుంబం ఆరోపిస్తోంది. మృతదేహాన్ని కూడా అప్పగించడం లేదని వారు ఆవేదన వ్యక్తం చేస్తున్నారు. ఈ ఆరోపణలపై ఆసుపత్రి యాజమాన్యం లేదా అధికారుల స్పందన తెలియాల్సి ఉంది.