దోమలగూడలో చెత్తకుప్పలో కాలిన మహిళ మృతదేహం లభ్యం

మహిళ మృతదేహం చెత్తకుప్పలో లభ్యమైంది. హైదరాబాద్‌లోని దోమలగూడ పోలీస్ స్టేషన్ పరిధిలో ఈ ఘటన జరిగింది. స్థానికులు మృతదేహాన్ని చూసి పోలీసులకు సమాచారం ఇచ్చారు.

సికింద్రాబాద్ జోన్ డీసీపీతో పాటు ఇతర అధికారులు ఘటనా స్థలానికి చేరుకున్నారు. ప్రాథమిక సమాచారం ప్రకారం మృతురాలు 30 నుంచి 35 ఏళ్ల వయస్సు గల మహిళగా అంచనా వేశారు. ఆమెను ఎక్కడో హత్య చేసి, ఆ తర్వాత మృతదేహాన్ని కాల్చి చెత్తకుప్పలో పడేసినట్లు పోలీసులు అనుమానిస్తున్నారు.

ప్రస్తుతం ఆమె గుర్తింపు తెలియలేదు. పోలీసులు సీసీ కెమెరాల ఫుటేజీని పరిశీలిస్తున్నారు. పరిసర ప్రాంతాల్లో తప్పిపోయిన మహిళల వివరాలు సేకరిస్తున్నారు. మృతురాలి గుర్తింపు వెల్లడైతే కేసు చేధించడం సులువవుతుందని అధికారులు భావిస్తున్నారు.

ఇలాంటి వయస్సు గల మహిళ తప్పిపోయిన సమాచారం ఉంటే స్థానిక పోలీసులకు తెలియజేయాలని పోలీసులు కోరుతున్నారు.