మెడికో ప్రియాంక మరణంలో కుట్రకోణం లేదు: టీడీపీ ఎమ్మెల్యే బుచ్చయ్య చౌదరి

టీడీపీ ఎమ్మెల్యే గోరంట బుచ్చయ్య చౌదరి మెడికో ప్రియాంక మరణంలో కుట్రకోణం లేదని స్పష్టం చేశారు. ఈ మరణంపై సోషల్ మీడియాలో అనేక అనుమానాలు వ్యక్తమవుతున్న నేపథ్యంలో ఆయన ఈ వ్యాఖ్యలు చేశారు.

ప్రియాంక మరణ వార్త మూడు రోజుల పాటు బయటకు రాకపోవడంపై మీడియాతో సహా అందరూ బాధ్యత వహించాలని ఆయన అన్నారు. ఘటన జరిగిన రోజున ఉన్నవారు ఎందుకు వెలుగులోకి రాలేదు, ఎవరెవరు ఏయే అంశాలపై మాట్లాడారు అనేది విచారించాల్సిన అవసరం ఉందన్నారు.

తాను జిల్లా ఎస్పీని సంప్రదించానని, మూడు రోజులు ఎందుకు ఆగాల్సి వచ్చిందో సమాధానం ఇవ్వాలని కోరినట్లు బుచ్చయ్య చౌదరి తెలిపారు. ప్రభుత్వం సకాలంలో స్పందించిందని, ముఖ్యమంత్రి, ఉప ముఖ్యమంత్రి పవన్ కళ్యాణ్, మంత్రి లోకేశ్ సహా ఉన్నత అధికారులు చర్యలు తీసుకున్నారని ఆయన చెప్పారు. ప్రియాంక మరణం బాధాకరమని, దురదృష్టకరమని పేర్కొన్నారు.