పూరీ జగన్నాథ్ తో పని చేయడం ఒత్తిడి, ఆనందం: రచయిత BVS రవి

రచయిత BVS రవి ఇటీవల ఒక పాడ్‌కాస్ట్ లో మాట్లాడుతూ దర్శకుడు పూరి జగన్నాథ్ తో పని చేయడం ఒత్తిడి, ఆనందం రెండింటినీ కలిగిస్తుందని చెప్పారు.

ఆయన మాట్లాడుతూ, "పూరి జగన్నాథ్ కి ప్రతి విషయం తెలుసు. అయినా రచయిత ఎందుకు అవసరం? ఎందుకంటే రచయితలు బౌన్సింగ్ బోర్డ్ లా పనిచేస్తారు. ఆయన ఆలోచనలను చర్చించడానికి, కౌంటర్ చేయడానికి రచయితలు అవసరం" అని వివరించారు.

BVS రవి ఒక నది, కాలవల ఉదాహరణ ఇచ్చారు. "నదిలో అప్పటికే నీళ్లు ఉన్నా, పంటకు నీరు అందించడానికి కాలవ తవ్వాలి. అలాగే పూరి గారి ప్రతిభ అనే నదిని ఒక క్యారెక్టర్‌కు మళ్లించడానికి రచయిత అనే కాలవ అవసరం" అని ఆయన తెలిపారు.