సినీ రచయితలకు సరైన గుర్తింపు దక్కట్లేదు: బీవీఎస్ రవి

సినీ రచయిత బీవీఎస్ రవి తాజాగా ఓ పాడ్‌కాస్ట్‌లో మాట్లాడారు. సినీ పరిశ్రమలో రచయితలకు సరైన గుర్తింపు దక్కడం లేదని ఆయన అభిప్రాయపడ్డారు.

"విజయం తర్వాత వచ్చే ప్రాజెక్టుల్లో ఒక రచయితను చూసే విధానం వేరుగా ఉంటుంది. కానీ, నిజమైన గౌరవం లాజిక్, ఎమోషన్ ఉన్న మాటల్లో ఉంటుంది" అని చెప్పారు.

పలు బ్లాక్‌బస్టర్ సినిమాలు అందించిన రచయితలను కూడా పట్టించుకోరని, 30-40 ఏళ్లుగా పనిచేస్తున్న చాలా మంది రచయితల పేర్లే తెలియవని అన్నారు. సరైన తర్కం, భావోద్వేగం లేకుండా మాట్లాడేవారికి గౌరవం ఉండదని స్పష్టం చేశారు.

ఒక ఆలోచనను తీసుకు వచ్చిన వ్యక్తి పేరు ప్రముఖంగా ఉంటుందని, కానీ ఆ ఆలోచనను చర్చించి, విశ్లేషించి, నిర్మించే వ్యక్తికి గుర్తింపు ఇవ్వరని రవి వివరించారు. రచయితల ప్రతిభకు తగిన గౌరవం అవసరమని సూచించారు.