కృష్ణా జిల్లా దివిసీమలో కేజ్ కల్చర్‌తో యానాదుల జీవితాల్లో మార్పు

కృష్ణా జిల్లా దివిసీమ ప్రాంతంలోని యానాది మత్స్యకార కుటుంబాలు చేపల పెంపకంలో కేజ్ కల్చర్ విధానాన్ని అనుసరిస్తూ గణనీయమైన ఆదాయాన్ని పొందుతున్నాయి.

నాబార్డు సహాయం, మచిలీపట్నంకు చెందిన ప్రజా ప్రగతి సేవా సంఘం అనే స్వచ్ఛంద సంస్థ సహకారంతో ఈ పద్ధతి అమలు చేయబడుతోంది. గత రెండేళ్లుగా ఐదు కుటుంబాలు కలిసి ఒక కేజ్ యూనిట్‌ను నిర్వహిస్తున్నాయి. ఒక్కో సీజన్‌లో ప్రతి కేజ్‌లో 500 చొప్పున పుంపాణ చేప పిల్లలను వదిలి, ఒక పంటకు రూ.2.50 లక్షల నుంచి రూ.3 లక్షల వరకు లాభం పొందుతున్నట్లు లబ్ధిదారులు తెలిపారు.

గతంలో వేరే ఊళ్లలో కూలీ పని చేసిన ఈ కుటుంబాలు ఇప్పుడు రెండు పంటలు వేసుకుంటూ సంవత్సరానికి సుమారు రూ.5-6 లక్షల ఆదాయాన్ని సంపాదిస్తున్నాయి. ప్రజా ప్రగతి సంఘం ఆర్థిక సాయంతో పాటు శిక్షణ కూడా అందించినట్లు మత్స్యకారులు చెప్పారు.

ఈ ప్రాజెక్టు ద్వారా ఇప్పటివరకు దివిసీమలో 130 నుంచి 150 వరకు కుటుంబాలు ప్రయోజనం పొందినట్లు సంస్థ ప్రతినిధులు తెలిపారు. కేజ్ కల్చర్ ద్వారా యానాది కుటుంబాలు స్థిరమైన జీవనోపాధి సాధిస్తున్నట్లు వారు అభిప్రాయపడుతున్నారు.