జగిత్యాల జిల్లా మోరపల్లిలో కారు వ్యవసాయ బావిలో పడి ఒకరు మృతి

జగిత్యాల జిల్లా మోరపల్లి దగ్గర అర్ధరాత్రి ఒక కారు అదుపుతప్పి వ్యవసాయ బావిలో పడింది. ఈ ప్రమాదంలో కారు నడుపుతున్న అరుణ్ అనే యువకుడు మృతి చెందాడు. మరొక ఇద్దరు యువకులు సురక్షితంగా బయటపడ్డారు.

కారు బావిలో పడిన వెంటనే స్థానిక రైతులు సహాయక చర్యలు చేపట్టి ఇద్దరు యువకులను బయటికి తీశారు. సమాచారం అందుకున్న పోలీసులు, అగ్నిమాపక సిబ్బంది ఘటనా స్థలానికి చేరుకున్నారు. క్రేన్ సాయంతో కారును బావి నుండి బయటికి తీసేందుకు చర్యలు చేపట్టారు.

మృతి చెందిన అరుణ్, మిగతా ఇద్దరు జగిత్యాల అర్బన్ మండలం మోతే గ్రామానికి చెందినవారు. వీరు ఒక విందు కార్యక్రమంలో పాల్గొని తిరిగి వస్తుండగా ఈ ప్రమాదం జరిగింది.

పోలీసులు ఘటనపై కేసు నమోదు చేసి దర్యాప్తు ప్రారంభించారు.