ఢిల్లీలో గ్రూప్ ఆఫ్ మినిస్టర్స్ సమావేశం — పెట్రో ధరలు, క్యాబినెట్ మార్పులపై చర్చ

ప్రధాని నరేంద్ర మోదీ అధ్యక్షతన ఢిల్లీలో గ్రూప్ ఆఫ్ మినిస్టర్స్ సమావేశం జరిగింది. సేవా తీర్థలో నిర్వహించిన ఈ సమావేశంలో కేంద్ర మంత్రులతో పాటు సహాయ మంత్రులు కూడా పాల్గొన్నారు.

సాధారణ క్యాబినెట్ సమావేశాల కంటే ఇది భిన్నంగా ఉంటుంది. గ్రూప్ ఆఫ్ మినిస్టర్స్ సమావేశాలు అరుదుగా జరుగుతాయి. మోదీ 3.0 ప్రభుత్వం బాధ్యతలు చేపట్టిన తొలి ఏడాది సందర్భంగా ఇలాంటి సమావేశం జరిగింది. ఇప్పుడు మళ్ళీ ఈ సమావేశం నిర్వహించారు.

పశ్చిమ ఆసియా యుద్ధ పరిస్థితుల వల్ల పెట్రోల్, డీజిల్ ధరలు పెరిగాయి. బంగారం, వెండి దిగుమతి సుంకాల పెంపు సహా వాణిజ్య అంశాలపై సమావేశంలో చర్చ జరిగింది. అంతర్జాతీయ మార్కెట్‌లో డాలర్‌తో పోలిస్తే రూపాయి విలువ కనిష్ట స్థాయికి పడిపోవడంపై కూడా చర్చ జరిగిందని సమాచారం.

క్యాబినెట్ విస్తరణ (reshuffle) జరిగే అవకాశం ఉందని ప్రచారం సాగుతోంది. మోదీ 3.0 ప్రభుత్వంలో ఇప్పటివరకు ఒక్కసారి కూడా cabinet reshuffle జరగలేదు. పనితీరు తక్కువగా ఉన్న కొందరు మంత్రులను తప్పించే అవకాశం ఉందని వార్తలు వస్తున్నాయి. అయితే ఈ విషయంపై అధికారిక ధృవీకరణ రాలేదు.