NEET పేపర్ లీక్ వివాదం: 47 మంది NTA అధికారులను తొలగించిన కేంద్రం

నీట్ యూజీ పేపర్ లీక్ వివాదం నేపథ్యంలో నేషనల్ టెస్టింగ్ ఏజెన్సీ (NTA) నుంచి 47 మంది అధికారులను సర్వీస్ నుంచి తొలగిస్తూ కేంద్ర ప్రభుత్వం కీలక నిర్ణయం తీసుకుంది. వారిపై క్రిమినల్, చట్టపరమైన చర్యలు కూడా తీసుకుంటామని ప్రకటించింది.

ఈ అంశంపై గత ఐదు రోజులుగా నిరాహార దీక్ష చేపట్టిన సిజెపి (CJP) ప్రతినిధులతో కేంద్రం చర్చలు జరిపింది. NTA ప్రక్షాళనతో పాటు పేపర్ లీకేజీ బాధ్యులపై చర్యలు తీసుకోవాలన్న డిమాండ్ల అనంతరం ఈ నిర్ణయం తీసుకున్నట్లు ప్రభుత్వ వర్గాలు తెలిపాయి. NTA సంస్థను సమూలంగా మార్చేందుకు ఇది తొలి అడుగు అని, భవిష్యత్తులో మరిన్ని చర్యలు తీసుకుంటామని కేంద్రం స్పష్టం చేసింది.

పరీక్షల నిర్వహణలో అవకతవకలు జరగకుండా NTA ను బలోపేతం చేస్తామని, నేరాలకు పాల్పడిన ఉద్యోగులపై కఠినంగా వ్యవహరిస్తామని ప్రభుత్వం హామీ ఇచ్చింది.