టీవీ9 ఎడ్యుకేషన్ ఎక్స్పో 2026లో సెంచురీ యూనివర్సిటీ కోర్సులు, ఉద్యోగాల వివరాలు

విజయవాడలో జరిగిన టీవీ9 ఎడ్యుకేషన్ ఎక్స్పో 2026లో సెంచురీ యూనివర్సిటీ విజయనగరం క్యాంపస్ డీన్ మామిళపల్లి లక్ష్మీ నరసింహాచార్యులు మాట్లాడారు. ఈ సందర్భంగా యూనివర్సిటీ కోర్సులు, ప్లేస్‌మెంట్లకు సంబంధించిన వివరాలను తెలిపారు.

విజయనగరంలో 2017లో ప్రారంభమైన ఈ యూనివర్సిటీకి భువనేశ్వర్‌లోని పర్లా కిమిడిలో మరో క్యాంపస్ ఉంది. బీటెక్ (సీఎస్‌ఈ, ఈసీఈ, మెకానికల్) 13 డొమైన్లతో, ఐసీఏఆర్ గుర్తింపు ఉన్న అగ్రికల్చర్, బీ ఫార్మసీ, డీ ఫార్మసీ కోర్సులు ఇక్కడ అందిస్తున్నారు. ఆప్టోమెట్రీ, రేడియాలజీ, అనస్తీషియా, ఫారెన్సిక్ సైన్స్ వంటి హెల్త్ సైన్సెస్ కోర్సులు కూడా ఉన్నాయి.

యూనివర్సిటీకి 65 ఇండస్ట్రీ పార్ట్నర్‌లతో ఒప్పందాలు ఉన్నాయని, 180 కోట్ల రూపాయల ఇండస్ట్రియల్ ఫండింగ్ ఉందని చెప్పారు. రేడియాలజీలో ఇప్పటివరకు ఐదు బ్యాచులు పూర్తయ్యాయని, 85% మంది ఉద్యోగాలు సాధించారని తెలిపారు. ఆప్టోమెట్రీ విద్యార్థులు ఎల్వీ ప్రసాద్ ఇన్స్టిట్యూట్, శంకర్ ఫౌండేషన్, విశాఖ హాస్పిటల్ వంటి సంస్థల్లో పనిచేస్తున్నారు. అనస్తీషియా విద్యార్థులు అపోలో, మెడికవర్, కేర్, సెవెన్ హిల్స్ హాస్పిటల్స్‌లో ఉద్యోగాలు చేస్తున్నట్టు పేర్కొన్నారు.

ఈ విద్యా సంవత్సరం నుంచి డ్రోన్ అండ్ ఏరోస్పేస్ టెక్నాలజీ, ఆర్టిఫిషియల్ ఇంటెలిజెన్స్ ఫిజికల్ ఏఐ అండ్ రోబోటిక్స్ అనే రెండు కొత్త కోర్సులను ప్రారంభించనున్నట్లు ప్రకటించారు. భువనేశ్వర్ క్యాంపస్‌లో మెరిటైమ్, బీటెక్ డిజైన్, జినోమిక్స్ & జెనటిక్స్ రీసెర్చ్ ల్యాబ్‌లు ఉన్నాయని చెప్పారు.

యూనివర్సిటీ సిలబస్ 2017 నుంచే 85% నేషనల్ ఎడ్యుకేషన్ పాలసీ (NEP) 2020కి అనుగుణంగా ఉందని, ఆంధ్రప్రదేశ్ ఫారెన్సిక్ సైన్స్ డిపార్ట్మెంట్, గుజరాత్ లోని ప్రైవేట్ ఫారెన్సిక్ ల్యాబ్‌లతో సహకారం ఉందని వివరించారు. అలాగే ఎల్ఐడీ హెల్త్ కౌన్సిల్ గుర్తింపు కూడా పొందినట్టు తెలిపారు.