వరంగల్ కాళోజీ హెల్త్ యూనివర్సిటీలో 37 మంది ఎస్టీ కోటా సీట్ల రద్దు

వరంగల్ కాళోజీ హెల్త్ యూనివర్సిటీ MBBS, BDS అడ్మిషన్లలో కీలక నిర్ణయం తీసుకుంది. ఎస్టీ కోటాలో సీట్లు పొందిన 37 మంది అభ్యర్థుల ఎస్టీ కోటా సీట్లను రద్దు చేసింది.

ఈ 37 మంది ఇతర రాష్ట్రాలకు చెందిన వారని యూనివర్సిటీ గుర్తించింది. ఇతర రాష్ట్రాల అభ్యర్థులు ఎస్టీ కోటాలో సీట్లు పొందడం నిబంధనలకు విరుద్ధమని యూనివర్సిటీ అధికారులు తెలిపారు.

వీరిలో తొమ్మిది మంది అభ్యర్థుల MBBS సీట్లను తక్షణమే రద్దు చేశారు. 37 మందిని ఎస్టీ కేటగిరీ నుంచి ఓపెన్ కేటగిరీకి మార్చినట్టు యూనివర్సిటీ ఉత్తర్వుల్లో పేర్కొంది.

ఖాళీ అయిన సీట్లను అర్హులైన స్థానిక ఎస్టీ అభ్యర్థులకు మాత్రమే కేటాయించారు.