ఆపిల్ పరికరాలపై CERT-In హై రిస్క్ అలర్ట్: వెంటనే అప్‌డేట్ చేయాలని సూచన

ఆపిల్ పరికరాల్లో తీవ్రమైన భద్రతా లోపాలు బయటపడ్డాయి. దేశ సైబర్ భద్రతా విభాగం CERT-In దేశవ్యాప్తంగా ఉన్న ఆపిల్ వినియోగదారులకు హై రిస్క్ అలర్ట్ జారీ చేసింది. ఇది సాధారణ బగ్ కాదని, అత్యంత తీవ్రమైన హెచ్చరిక అని పేర్కొంది.

సైబర్ నేరగాళ్లు వినియోగదారుల ప్రమేయం లేకుండానే పరికరాలను తమ నియంత్రణలోకి తీసుకునే ప్రమాదం ఉందని నిపుణులు చెప్తున్నారు. బ్యాంకింగ్ వివరాలు, వ్యక్తిగత ఫోటోలు, రహస్య సందేశాలు, ఆఫీస్ డాక్యుమెంట్లు హ్యాకర్ల చేతుల్లోకి వెళ్లిపోవచ్చు. పరికరంలో మాల్వేర్ కోడ్ చొప్పించి పూర్తి అధికారాలు తమ చేతికి తీసుకోవచ్చు. ఫోన్ పూర్తిగా పనిచేయకుండా క్రాష్ చేసి బ్లాక్‌మెయిల్ చేసే ముప్పు కూడా ఉంది.

ఈ ప్రమాదంలో ఉన్న పరికరాల జాబితా చాలా పెద్దది. ఐఫోన్లు, ఐప్యాడ్లు, Mac కంప్యూటర్లు, Apple Watch, Apple TV, Vision Pro హెడ్‌సెట్లను హ్యాకర్లు లక్ష్యంగా చేసుకుంటున్నారు. రోజూ ఇంటర్నెట్ బ్రౌజ్ చేయడానికి వాడే Safari బ్రౌజర్‌లోనూ తీవ్రమైన లోపాలు ఉన్నట్లు నిర్ధారణ అయింది.

iOS, iPadOS, Safari లలో 27.2 వెర్షన్ కంటే ముందు వెర్షన్లు వాడుతున్న ప్రతి ఒక్కరూ ప్రమాదంలో ఉన్నారు. Mac విషయానికి వస్తే Sequoia 15.8.2, Tahoe 26.7.2, Golden Gate 27.2 కంటే పాత వెర్షన్లు ఉన్న కంప్యూటర్లకు ముప్పు ఉంది. watchOS 27.2, tvOS 27.2, visionOS 27.2 కంటే ముందు వెర్షన్లు కూడా తక్షణమే నవీకరించాల్సిన జాబితాలో ఉన్నాయి. ఈ వెర్షన్లను వెంటనే అప్‌డేట్ చేయాలని హెచ్చరికలో స్పష్టం చేశారు.