విద్య లేని దొంగ కన్నా విద్యావంతుడే ప్రమాదకరం : ఉపన్యాసంలో చాగంటి కోటేశ్వరరావు

ప్రముఖ ప్రవచనకారుడు చాగంటి కోటేశ్వరరావు తాజా ఉపన్యాసంలో విద్య, సంస్కారం అనే అంశాలపై మాట్లాడారు. విద్య సంస్కారాన్ని అందించే సాధనంగా ఉండాలని, లేకుంటే అది సమాజానికి ప్రమాదం తీసుకువస్తుందని హెచ్చరించారు.

ఒక విద్య లేని దొంగ చీకటి పడ్డాక ఇంట్లో తాళం పగలగొట్టి దొంగతనం చేస్తే త్వరగానే పట్టుబడతాడని చెప్పారు. కానీ కంప్యూటర్లు హ్యాక్ చేసే నేరస్తుడు, బ్యాంక్ ఖాతాలను గుట్టుగా దోచే నేరగాడు పట్టుకోవడం చాలా కష్టమని వివరించారు. అందుకే సంస్కారం లేని విద్యావంతుడు అత్యంత ప్రమాదకారి అని ఆయన అభిప్రాయపడ్డారు.

సముద్రం తన చెలియలి కట్టను దాటనట్టుగా, మనిషి తన సంస్కారమనే హద్దును దాటకుండా బ్రతకాలని చాగంటి సూచించారు. ఒకప్పుడు దివిసీమలో వచ్చిన ఉప్పెన వల్ల లక్షల పశువులు, వేల మంది మనుషులు మరణించిన ఘటనను స్మరించుకున్నారు. విద్యార్జన చేసిన ఇంజనీర్ కూడా అక్రమార్జన కోసం ఆనకట్ట కట్టడంలో నాణ్యత తగ్గిస్తే, ఒక్క వరదకే వేల కిలోమీటర్లలో నివసించే ప్రజల ప్రాణాలు తీసుకుంటుందని హెచ్చరించారు.

విద్య వల్ల సంస్కారం పెరగాలి, సమాజానికి హాని కలగకూడదు అనే సందేశాన్ని ఈ ప్రవచనం ద్వారా చాగంటి కోటేశ్వరరావు అందించారు.