చందానగర్ ఎస్ఐ, కానిస్టేబుల్ లంచం కేసులో ఏసీబీకి పట్టుబడ్డారు

చందానగర్ పోలీస్ స్టేషన్ ఎస్ఐ బండెల బాలరాజు, కానిస్టేబుల్ బొట్టా రాఘవేంద్ర లంచం తీసుకుంటుండగా ఏసీబీ అధికారులు పట్టుకున్నారు.

ఓ కేసు దర్యాప్తు చేసి చార్జిషీట్ దాఖలు చేసేందుకు వీరు ఓ బాధితుడి నుంచి ₹75,000 డిమాండ్ చేశారు. ఇప్పటికే ఎస్ఐ ₹20,000, కానిస్టేబుల్ ₹10,000 UPI ద్వారా తీసుకున్నట్టు తెలుస్తోంది.

మిగిలిన ₹45,000 ఇవ్వాల్సిన సమయంలో బాధితుడు ఏసీబీని సంప్రదించాడు. ఏసీబీ అధికారులు ట్రాప్ ఏర్పాటు చేసి, డబ్బులు తీసుకున్న సమయంలో ఇద్దరినీ పట్టుకున్నారు.

డబ్బులు తీసుకున్న తర్వాత వీరు నోట్లను టేబుల్ డ్రాయర్లో పెట్టుకున్నారు. ఏసీబీ అధికారులు అడిగినప్పుడు తమకు ఏమీ తెలియదని చెప్పారు. డ్రాయర్ తెరిచాక నోట్లు బయటపడ్డాయి. ఏసీబీ అధికారులు వాటిని స్వాధీనం చేసుకున్నారు.