హైదరాబాద్లో చికెన్ వ్యర్థాల అక్రమ రవాణాపై దాడులు; 100 టన్నులు స్వాధీనం

హైదరాబాద్‌లో చికెన్ వ్యర్థాల అక్రమ రవాణాపై సైబరాబాద్ పోలీసులు, వెటర్నరీ అధికారులు సంయుక్తంగా దాడులు చేశారు. ట్రక్కుల్లో తరలిస్తున్న 100 టన్నుల వ్యర్థాలను అధికారులు స్వాధీనం చేసుకున్నారు.

అత్తాపూర్, మియాపూర్, అమీన్‌పూర్, కూకట్‌పల్లి, జీడిమెట్ల, చింతల్ ప్రాంతాల్లో లారీల్లో వ్యర్థాలు డంప్ చేస్తుండగా దాడులు జరిగాయి. నిందితులు రాత్రి సమయంలో ఈ వ్యర్థాలను ఆంధ్రప్రదేశ్‌కు తరలించి చేపల చెరువుల యజమానులకు విక్రయిస్తున్నట్లు అధికారులు గుర్తించారు.

గతంలోనూ ఈ నెట్‌వర్క్‌పై కేసులు నమోదయ్యాయని అధికారులు తెలిపారు. నిందితులు కార్యకలాపాలు కొనసాగించినట్లు పోలీసులు పేర్కొన్నారు.