గుంటూరు జిల్లా విసదల-మందపాడు రహదారి గుంతలతో అస్తవ్యస్తం; మరమ్మతులకు గ్రామస్థుల విజ్ఞప్తి

గుంటూరు జిల్లాలో విసదల అడ్డరోడ్డు నుంచి మందపాడు వైపు వెళ్లే రహదారి పూర్తిగా గుంతలమయంగా మారింది. ఈ రహదారి సుమారు 15 కిలోమీటర్ల పొడవు ఉంటుంది.

సిరిపురం, రావెల, మందపాడు, బండారుపల్లి, మల్లవరం గ్రామాల నుంచి ప్రజలు, విద్యార్థులు, రైతులు నిత్యం ఈ మార్గంలో రాకపోకలు సాగిస్తున్నారు. ఇటీవల రహదారి పూర్తిగా దెబ్బతినడంతో ప్రమాదాలు పెరిగాయని వాహనదారులు చెబుతున్నారు.

మిరప, పత్తి తదితర వ్యవసాయ ఉత్పత్తులను గుంటూరు యార్డుకు తరలించేందుకు ఈ రోడ్డే మార్గమని రైతులు చెబుతున్నారు. రాత్రి వేళ గర్భిణీలు, రోగులను తరలించే అంబులెన్సులు ఆలస్యమవుతున్నాయని స్థానికులు ఆందోళన వ్యక్తం చేశారు.

వర్షం పడితే పరిస్థితి మరింత తీవ్రమవుతుందని వాహనదారులు తెలిపారు. ఈ రహదారి అమరావతి, అసెంబ్లీ మార్గానికి కనెక్ట్ అయి ఉందని గ్రామస్థులు చెప్పారు. R&B అధికారులు, స్థానిక ప్రజాప్రతినిధులు వెంటనే రహదారి మరమ్మతులు చేయాలని గ్రామస్థులు విజ్ఞప్తి చేశారు.