మహిళల హాకీ ప్రపంచ కప్‌లో ఆస్ట్రేలియాతో 0-0 డ్రా; భారత్ టోర్నీ నుంచి నిష్క్రమణ

మహిళల హాకీ ప్రపంచ కప్‌లో భారత జట్టు సెమీఫైనల్ చేరకుండా టోర్నీ నుంచి నిష్క్రమించింది. భారత్ గెలవాల్సిన చివరి పూల్ మ్యాచ్‌లో ఆస్ట్రేలియాతో 0-0 డ్రా చేసుకుంది.

తొలి క్వార్టర్‌ను రెండు జట్లు 0-0తో ముగించాయి. రెండో క్వార్టర్‌లో ఆస్ట్రేలియా గోల్ అవకాశాలు సృష్టించగా, భారత డిఫెండర్లు వాటిని అడ్డుకున్నారు. రెండో క్వార్టర్ చివర్లో భారత్‌కు గోల్ కొద్దిలో తప్పిపోయింది.

చివరి 21 సెకన్లలో భారత్‌కు లభించిన పెనాల్టీ కార్నర్‌ను సద్వినియోగం చేసుకోలేకపోయింది. చివరి వరకు గోల్ కోసం ప్రయత్నించినా భారత్ సఫలం కాలేదు.

స్టేజ్ 2 ముగిసేసరికి భారత్, చైనా, ఆస్ట్రేలియా జట్లు తలో రెండు పాయింట్లతో సమంగా నిలిచాయి. మెరుగైన గోల్ వ్యత్యాసంతో ఆస్ట్రేలియా గ్రూప్ నుంచి రెండో స్థానంలో సెమీస్‌కు చేరింది.