శ్రావణ మాసం చివరి సోమవారం: శివాలయాలకు భక్తులు పోటెత్తారు

శ్రావణ మాసం చివరి సోమవారం నాడు దేశంలోని ప్రధాన శివాలయాలకు భక్తులు భారీ సంఖ్యలో తరలివచ్చారు. వారణాసిలోని శివాలయంలో గంగా మంగళ హారతి నిర్వహించారు. ఆలయ ట్రస్టు CEO పూజలు నిర్వహించి భక్తులకు స్వాగతం పలికారు.

అయోధ్యలోని నాగేశ్వరనాథ్ ఆలయంలో భక్తులు స్వామివారికి జలాభిషేకం చేశారు. దేవఘర్లోని బాబా వైద్యనాథ్ ఆలయం వద్ద శివనామ స్మరణతో ఆవరణ మారుమోగింది. ఉజ్జయినిలోని శ్రీ మహాకాళేశ్వర ఆలయంలో భస్మ ఆరతిలో భక్తులు పెద్ద సంఖ్యలో పాల్గొన్నారు.

జైపూర్లోని తారకేశ్వర మహాదేవ్ ఆలయంలో ప్రత్యేక పూజలు జరిగాయి. గుజరాత్లోని సోమనాథ్ ఆలయంలో భక్తులకు దర్శన అనుమతి ఇచ్చారు. ముంబై, ఢిల్లీలలోని శివాలయాల్లో భక్తులు పోటెత్తారు. ఆలయాల్లో 'హర హర మహాదేవ' నినాదాలు వినిపించాయి.