విజయవాడ MSME గ్రోత్ సమిట్‌లో 38 MSME పార్కులకు శంకుస్థాపన

విజయవాడలో MSME గ్రోత్ సమిట్ 2026 నిర్వహించనున్నారు. ఈ సదస్సులో CM చంద్రబాబు నాయుడు రాష్ట్రంలో 38 MSME పార్కులకు వర్చువల్‌గా శంకుస్థాపన చేయనున్నారు.

ప్రతి నియోజకవర్గంలో MSME పార్కు ఏర్పాటు లక్ష్యంలో భాగంగా మొత్తం 175 పార్కులు నిర్మించాలని ప్రభుత్వం నిర్ణయించింది. మొదటి రెండు దశల్లో 100 పారిశ్రామిక పార్కులకు ఇప్పటికే శంకుస్థాపన జరిగింది. వాటిలో కొన్ని ప్రారంభమయ్యాయి. రేపటి సదస్సులో మూడో దశలో 38 పార్కులకు శంకుస్థాపన చేయనున్నారు.

Deputy CM పవన్ కళ్యాణ్, పలువురు మంత్రులు, పారిశ్రామికవేత్తలు ఈ సదస్సుకు హాజరవుతారు. రాష్ట్రవ్యాప్తంగా 1,500 మందికి పైగా MSME రంగం పారిశ్రామికవేత్తలు, PM విశ్వకర్మ లబ్ధిదారులు, విధానకర్తలు, ఆర్థిక సంస్థల నిపుణులు పాల్గొంటారు.

రతన్ టాటా ఇన్నోవేషన్ హబ్ ఆధ్వర్యంలో కుప్పం, మంగళగిరి, పిఠాపురంలో Rural Smart Village Centre Extension కేంద్రాలను CM ప్రారంభించనున్నారు. రాష్ట్రంలోని 45 పారిశ్రామిక clusters లో ఉమ్మడి సౌకర్యాల కేంద్రాల ఏర్పాటుకు ₹200 కోట్లు విడుదల చేయనున్నారు.

సదస్సు విజయవాడలోని డాక్టర్ బి.ఆర్. అంబేద్కర్ కళావేదికలో జరగనుంది.