AP బీచ్‌లను పెద్ద ఎత్తున అభివృద్ధి చేస్తాం: CM చంద్రబాబు

ఆంధ్రప్రదేశ్ బీచ్‌లను పెద్ద ఎత్తున అభివృద్ధి చేస్తామని CM చంద్రబాబు నాయుడు ప్రకటించారు. విదేశీ పర్యాటకులు AP బీచ్‌లకు వచ్చేలా చర్యలు చేపడతామని తెలిపారు. Beach resorts నిర్మించి విదేశస్తులకు బోటింగ్ సేవలు అందించే అవకాశాలు స్థానికులకు వస్తాయని చెప్పారు.

పశ్చిమ ఆసియా యుద్ధ ప్రభావంతో ఎరువుల ధరలు పెరగడం, ఎగుమతులు తగ్గడం, చమురు ధరలు పెరగడం వంటి సవాళ్లు ఎదుర్కొంటున్నామని చంద్రబాబు అన్నారు. ఈ నేపథ్యంలో పొదుపు చర్యలు అవసరమని తెలిపారు.

ప్రధాని నరేంద్ర మోదీ సూచించిన ఏడు సూత్రాలను అనుసరించాలని ప్రజలను కోరారు. అనవసర విదేశ ప్రయాణాలు తగ్గించుకోవడం, బంగారు కొనుగోళ్లు తగ్గించుకోవడం, public transport వినియోగించడం వంటి చర్యలు ఇందులో ఉన్నాయని చెప్పారు.

తొందరలో సంజీవని ప్రాజెక్టు తీసుకొచ్చి ప్రజల ఆరోగ్య సమస్యలు పరిష్కరిస్తామని కూడా చంద్రబాబు పేర్కొన్నారు. రొయ్యల సాగులో seaweed వినియోగం ద్వారా feed cost తగ్గించవచ్చని, ప్రకృతి వ్యవసాయం వైపు వెళ్లాలని రైతులకు సూచించారు.