మూడో, నాలుగో బిడ్డకు నగదు ప్రోత్సాహకాలు: చంద్రబాబు ప్రకటన

ఆంధ్రప్రదేశ్ ముఖ్యమంత్రి చంద్రబాబు నాయుడు మూడో బిడ్డ పుట్టినప్పుడు ₹30,000, నాలుగో బిడ్డ పుట్టినప్పుడు ₹40,000 నగదు ప్రోత్సాహకం ఇచ్చే దిశగా ఆలోచిస్తున్నట్లు తెలిపారు.

ఈ నెలలోనే ఈ నిర్ణయాన్ని అమలు చేస్తామని చంద్రబాబు పేర్కొన్నారు. పిల్లలను భారంగా కాకుండా సంపదగా భావించాల్సిన సమయం వచ్చిందని ఆయన అన్నారు.

ప్రస్తుతం అమలవుతున్న 'తల్లికి వందనం' పథకం కింద ₹15,000 ఇస్తున్నారు. ఈ మొత్తాన్ని భవిష్యత్తులో పెంచే అవకాశాన్ని కూడా పరిశీలిస్తామని చంద్రబాబు తెలిపారు.

అంగన్వాడీ కేంద్రాలను మరింత మెరుగుపర్చాలని కూడా ప్రస్తావించారు. గతంలో కుటుంబ నియంత్రణ కోసం పని చేశానని, ఇప్పుడు పరిస్థితులు మారాయని ఆయన చెప్పారు.