తుఫాన్ అంచనాల్లో 90 శాతం ఖచ్చితత్వం సాధించామని CM చంద్రబాబు వెల్లడి

తుఫాన్ సమయంలో తమ ప్రభుత్వం ఇచ్చిన సమాచారం దాదాపు 90 శాతం ఖచ్చితంగా ఉందని ముఖ్యమంత్రి చంద్రబాబు నాయుడు చెప్పారు. ఏ బృందాలు ఎక్కడికి వెళ్లాలి, ఎక్కడ ముంపు ఏర్పడుతుంది అనే హెచ్చరికలు ముందుగానే ఇచ్చామని ఆయన తెలిపారు.

తుఫాన్ తీరం ఎప్పుడు దాటుతుంది, ఎప్పుడు ల్యాండ్ అవుతుంది అనే అంచనాలు కూడా ముందుగానే వేశామని CM చెప్పారు. రాష్ట్రం నుంచి తుఫాన్ బయటకు వెళ్లే సమయం గురించి కూడా అంచనా వేశామని ఆయన వివరించారు. వాస్తవానికి కొద్ది తేడా మాత్రమే ఉందన్నారు.

తుఫాన్ కొన్ని దశల్లో ఎప్పుడూ అన్‌ప్రెడిక్టబుల్‌గా ఉంటుందని చంద్రబాబు అన్నారు. సముద్రంలో మరో సిస్టమ్ ఏర్పడి ఎదురుగా రావడంతో తుఫాన్ U-టర్న్ తీసుకుంది. దీంతో దాని వేగం తగ్గిందని ఆయన తెలిపారు.