స్వర్గీయ ఎన్టీఆర్‌కు భారతరత్న ఇవ్వాలని కేంద్రాన్ని కోరిన CM చంద్రబాబు

ముఖ్యమంత్రి చంద్రబాబు నాయుడు స్వర్గీయ నందమూరి తారకరామారావు (ఎన్టీఆర్)కు భారతరత్న పురస్కారం ఇవ్వాలని కేంద్ర ప్రభుత్వాన్ని విజ్ఞప్తి చేశారు.

ఇది మొదటిసారి కాదని, ఇంతకుముందు కూడా ఈ డిమాండ్ చేశామని, ఈ శుభ సందర్భంలో మళ్ళీ ఒకసారి కేంద్రాన్ని కోరుతున్నామని చంద్రబాబు పేర్కొన్నారు. భారతరత్న ఇవ్వాలనేది తమందరి డిమాండ్ అని ఆయన అన్నారు.

TDP స్థాపించిన తొమ్మిది నెలల్లోనే ఎన్టీఆర్ ముఖ్యమంత్రి అయ్యారని, జాతీయ రాజకీయాల్లో TDP కీలక పాత్ర పోషించిందని చంద్రబాబు చెప్పారు. పసుపు జెండా తెలుగువారి ఆత్మగౌరవానికి ప్రతీకని కూడా ఆయన అన్నారు.

ఎన్టీఆర్ కళారంగంలో ఖ్యాతి సంపాదించి, తర్వాత రాజకీయాల్లో ప్రవేశించి అప్పటి ముఖ్యమంత్రిగా పనిచేశారు. ఈ డిమాండ్‌పై కేంద్ర ప్రభుత్వం స్పందన తెలియాల్సి ఉంది.