సీఎం చంద్రబాబు కైకలూరులో పట్టాదార్ పాస్‌పుస్తకాల పంపిణీ; ప్రతినెలా 9న నేరుగా వస్తానని ప్రకటన

ముఖ్యమంత్రి చంద్రబాబు నాయుడు కైకలూరులో పట్టాదార్ పాస్‌పుస్తకాలు పంపిణీ చేశారు.

రెండో ప్రపంచ యుద్ధంలో పాల్గొన్న సైనికుల భూమి పట్టాల సమస్య 75 ఏళ్ల తర్వాత పరిష్కరించారు. గతంలో 22ఏ చట్టం కింద కొన్ని భూములు ప్రభుత్వ భూములుగా మార్చడం జరిగిందని, ఆ సమస్యలను కూడా పరిష్కరిస్తున్నామని చెప్పారు.

ప్రతి నెల 9వ తేదీన నేరుగా వచ్చి పట్టాదార్ పాస్‌పుస్తకాలు ఇస్తానని ఆయన ప్రకటించారు. భూమి రికార్డుల్లో డిజిటల్ 22ఏ విధానం వల్ల చాలా ఇబ్బందులు ఎదురయ్యాయని, వాటిని పరిష్కరించేందుకు ప్రత్యేక చర్యలు తీసుకుంటున్నామని చంద్రబాబు తెలిపారు.

ఈ కార్యక్రమంలో రెవెన్యూ మంత్రి సత్యప్రసాద్, సీసీఎల్ఏ జయలక్ష్మి, కలెక్టర్ సెల్వి తదితరులు పాల్గొన్నారు.