తాటి కల్లు తాగిన ఏపీ సీఎం చంద్రబాబు; గీత కార్మికులకు న్యాయం చేస్తామని హామీ

ఏపీ సీఎం చంద్రబాబు నాయుడు గీత కార్మికులతో కలిసి తాటి కల్లు సేవించారు. ఈ సందర్భంగా ఆయన కార్మికులతో ముచ్చటించి, తాటి కల్లు తయారీ విధానం, వారి జీవనోపాధి ఇబ్బందుల గురించి అడిగి తెలుసుకున్నారు.

ఒక్కో చెట్టు నుంచి ఎన్ని లీటర్ల కల్లు వస్తుంది, రోజుకు ఎన్ని సార్లు గీత గీస్తారు, ఉదయం, మధ్యాహ్నం, సాయంత్రం కల్లు రుచిలో తేడాల గురించి సీఎం ఆరా తీశారు. రైతు భూములు, ప్రైవేటు స్థలాల్లో ఉన్న తాటి చెట్లపై గీత కార్మికులు పడుతున్న కష్టాలను కూడా అడిగి తెలుసుకున్నారు.

ఈ సందర్భంగా సీఎం మాట్లాడుతూ, ఇప్పటికే మద్యం దుకాణాల్లో గీత కార్మికులకు 15% వాటా కేటాయించామని, అలాగే వారికి 50% ధరలో కల్లు అందించే ఏర్పాటు చేశామని తెలిపారు. గీత కార్మికులు ఎదుర్కొంటున్న సమస్యలపై ప్రభుత్వం దృష్టి పెట్టిందని, మరిన్ని చర్యలు తీసుకుంటామని హామీ ఇచ్చారు. చేతి వృత్తులను, కుల వృత్తులను గౌరవించాలని, గీత కార్మికులకు న్యాయం జరగాలని ఆయన అన్నారు.

సీఎం ప్రత్యక్షంగా కల్లు తాగడం, వారి సమస్యలు వినడంతో గీత కార్మికులు సంతోషం వ్యక్తం చేశారు. తమ సమస్యల పరిష్కారానికి ప్రభుత్వం చిత్తశుద్ధితో ఉందని వారు భావిస్తున్నారు. రాష్ట్రంలో గీత కార్మికుల సంక్షేమం కోసం మరిన్ని చర్యలపై ప్రభుత్వం కసరత్తు చేస్తోంది.