జాతీయ చేనేత దినోత్సవం: చీరాలలో చేనేత కార్మికులతో సీఎం చంద్రబాబు ముఖాముఖి

బాపట్ల జిల్లా చీరాల నియోజకవర్గంలో జాతీయ చేనేత దినోత్సవ కార్యక్రమంలో ముఖ్యమంత్రి చంద్రబాబు నాయుడు పాల్గొన్నారు. జాండ్రపేటలో చేనేత కార్మికులతో ముఖాముఖి సమావేశం నిర్వహించి, సంక్షేమ పథకాలపై ప్రసంగించారు.

చేనేత కార్మికుల అభివృద్ధికి ప్రభుత్వం కట్టుబడి ఉందని, చీరాల ప్రాంతాన్ని పర్యాటక కేంద్రంగా అభివృద్ధి చేస్తామని సీఎం తెలిపారు. అమరావతి నిర్మాణం, మెగా డీఎస్సీపై కూడా ఆయన పలు వ్యాఖ్యలు చేశారు.

ఈ సందర్భంగా చీరాలకు చెందిన 90 ఏళ్ల పుష్పావతి, తనను కలవాలనే కోరిక వ్యక్తం చేయగా, సీఎం ఆమెను ఆప్యాయంగా పలకరించి, కలిసి ఫోటో దిగారు. శ్రీకాకుళం జిల్లా ఎచ్చర్ల నుంచి వచ్చిన చేనేత దంపతులు నాగేశ్వర, లక్ష్మి మగ్గంపై చంద్రబాబు చిత్రపటాన్ని నేసి చూపించగా, సీఎం వారి నైపుణ్యాన్ని అభినందించారు.