ఇబ్రహీంపట్నంలో పవిత్ర సంగమం వద్ద సీఎం చంద్రబాబు జలహారతి

ఇబ్రహీంపట్నంలోని పవిత్ర సంగమం వద్ద ఆంధ్రప్రదేశ్ ముఖ్యమంత్రి నారా చంద్రబాబు నాయుడు శుక్రవారం జలహారతి నిర్వహించారు. సంప్రదాయ దుస్తులు ధరించిన ఆయన, గంగమ్మ దేవతకు పసుపు, కుంకుమ, పూలు, పట్టు వస్త్రాలు సమర్పించి హారతి ఇచ్చారు. ఈ కార్యక్రమంలో మంత్రి నిమ్మల రామానాయుడు, స్థానిక ఎంపీ, ఇతర నేతలు పాల్గొన్నారు.

అనంతరం సీఎం అక్కడ ఏర్పాటు చేసిన ఫోటో ప్రదర్శనను తిలకించారు. స్థానిక అభివృద్ధి పనులు, రోడ్ల నిర్మాణంపై ఆయన అధికారులకు, నేతలకు సూచనలు చేశారు. 2015-16లో ఇదే ప్రదేశంలో పూజా కార్యక్రమం నిర్వహించిన విషయాన్ని కూడా ఆయన గుర్తు చేశారు.

పర్యటనలో భాగంగా కృష్ణా, గోదావరి నదీ జలాల నిర్వహణపై చర్చించారు. ప్రస్తుతం గోదావరి నీరు ఎక్కువగా ఉందని, దాన్ని సమతుల్యం చేయాల్సిన అవసరం ఉందని సీఎం అభిప్రాయపడ్డారు.