రొయ్యల ఎగుమతుల సంక్షోభం: పియూష్ గోయల్‌కు చంద్రబాబు లేఖ

ఆంధ్రప్రదేశ్ CM చంద్రబాబు నాయుడు కేంద్ర మంత్రి పియూష్ గోయల్‌కు లేఖ రాశారు. AP ఆక్వా రైతులు ఎదుర్కొంటున్న రొయ్యల ఎగుమతుల సంక్షోభంపై ఈ లేఖలో వివరించారు.

అమెరికా విధిస్తున్న 50% సుంకం వల్ల భారత రొయ్యల ఎగుమతులపై మొత్తం 60% పన్ను భారం పడుతుందని లేఖలో పేర్కొన్నారు. AP నుంచి ₹25,000 కోట్ల విలువైన ఎగుమతులకు నష్టం వాటిల్లే ప్రమాదం ఉందని తెలిపారు.

రాష్ట్రంలో 2.55 లక్షల ఆక్వా రైతు కుటుంబాలు ఉన్నాయి. 30 లక్షల మందికి పైగా కార్మికులు ఉపాధి కోల్పోయే పరిస్థితి ఏర్పడిందని లేఖలో వివరించారు. దేశీయ మార్కెట్లోనూ ఆక్వా ఉత్పత్తుల ధరలు 20–25% మేర పడిపోయాయని పేర్కొన్నారు.

ఈ నేపథ్యంలో చంద్రబాబు కేంద్రానికి మూడు డిమాండ్లు చేశారు. working capital పరిమితిని 30%కి పెంచాలని కోరారు. వడ్డీ చెల్లింపులపై 240 రోజుల moratorium ఇవ్వాలని అభ్యర్థించారు. రొయ్యల రంగంపై 5% GST నుంచి తాత్కాలికంగా మినహాయింపు ఇవ్వాలని కూడా విజ్ఞప్తి చేశారు.