దిగుమతుల తగ్గింపుకు PM మోడీ 7 సూత్రాలు పాటించాలి: CM చంద్రబాబు

బంగారం, చమురు దిగుమతుల వల్ల విదేశ మారక నిలువలు తగ్గిపోతున్నాయని AP CM చంద్రబాబు నాయుడు అన్నారు. ఈ సమస్యను పరిష్కరించడానికి PM నరేంద్ర మోడీ 7 సూచనలు చేశారని తెలిపారు. పుట్టపర్తిలో జరిగిన ఒక కార్యక్రమంలో ఆయన మాట్లాడారు.

PM మోడీ చేసిన 7 సూచనలు ఇవి: work from home ఆచరించడం, బంగారు కొనుగోలు నిలిపేయడం, public transport వినియోగించడం, వంట నూనె వాడకం తగ్గించడం, ప్రకృతి సేద్యానికి మళ్ళడం, స్వదేశీ వస్తువులు ప్రోత్సహించడం, విదేశ ప్రయాణాలకు దూరంగా ఉండడం.

అమెరికా, చైనా, ఫ్రాన్స్, దక్షిణ కొరియా, జర్మనీ, థాయిలాండ్, శ్రీలంక, ఇటలీ సహా అనేక దేశాలు ఇప్పటికే చమురు, ఇంధన ఆదా కార్యక్రమాలు అమలు చేస్తున్నాయని చంద్రబాబు పేర్కొన్నారు. భారత్ కూడా అదే బాధ్యత తీసుకోవాలని విజ్ఞప్తి చేశారు.

ఈ 7 సూత్రాల అమలు కోసం ప్రత్యేక కార్యాచరణ తయారు చేస్తున్నామని ఆయన తెలిపారు. తమ కాన్వాయ్ వాహనాల సంఖ్య ఇప్పటికే తగ్గించామని చంద్రబాబు చెప్పారు.