ఓటరు జాబితా సవరణపై ఎమ్మెల్యేలకు సీఎం చంద్రబాబు ఆదేశాలు

ఆంధ్రప్రదేశ్‌లో జూన్ 14 నుంచి ఓటరు జాబితా ప్రత్యేక సవరణ (స్పెషల్ ఇంటెన్సివ్ రివిజన్) ప్రారంభమైంది. బూత్ స్థాయి అధికారులు ఇంటింటికీ వెళ్లి ఓటర్ల వివరాలు సేకరిస్తున్నారు. 2022 జాబితా ప్రకారం ఈ ప్రక్రియ జరుగుతోంది.

ఈ నేపథ్యంలో సీఎం చంద్రబాబు నాయుడు అధికార పార్టీ ఎమ్మెల్యేలతో సమీక్ష నిర్వహించారు. ఓటరు జాబితా నుంచి ఏ ఒక్క ఓటూ తొలగిపోకుండా చూడాలని, ప్రతి పేరును పూర్తిగా పరిశీలించాలని ఆయన సూచించారు. ఇటీవల ముగిసిన ఎన్నికల్లో దూరంగా ఉన్న ఓటర్ల వివరాలు కూడా నమోదు కావాలన్నారు.

ఎమ్మెల్యేలు ఈ ప్రక్రియను దగ్గరుండి పర్యవేక్షించాలని, నియోజకవర్గాల్లో పరిస్థితిని ఎప్పటికప్పుడు తెలుసుకోవాలని సీఎం ఆదేశించారు. ఓట్లు పెద్ద సంఖ్యలో తొలగిపోతే తమకు ఇబ్బంది కలుగుతుందని, సవ్యంగా నిర్వహించకపోతే సీఎం నుంచి చీవాట్లు తప్పవని ఎమ్మెల్యేలు గ్రహించారు. దీంతో వారు ఎక్కువ సమయం ఈ పనికి కేటాయిస్తున్నారు.