ప్రతి పౌరుడిని దేశ నిర్మాణంలో భాగస్వామిగా చేసే 'పార్ట్నర్స్ ఇన్ నేషన్ బిల్డింగ్' కార్యక్రమం: సీఎం చంద్రబాబు

దేశ నిర్మాణంలో ప్రతి పౌరుడిని భాగస్వామిని చేసే 'పార్ట్నర్స్ ఇన్ నేషన్ బిల్డింగ్' కార్యక్రమాన్ని ప్రారంభించాలని CM చంద్రబాబు నాయుడు అధికారులను ఆదేశించారు. ఈ కార్యక్రమం స్వాతంత్ర్యం వచ్చి 80వ ఏడాదిలోకి అడుగు పెట్టబోతున్న నేపథ్యంలో, 2047 నాటి Viksit Bharat, స్వర్ణాంధ్ర లక్ష్యాలను ప్రజల్లోకి చేర్చేలా రూపొందించాలని ఆయన తెలిపారు.

ఆగస్టు 15న ప్రతి ఇంటిపై జాతీయ జెండా ఎగురవేసేలా ప్రజలను భాగస్వాములుగా చేయాలని సీఎం సూచించారు. 'My Nation, Nation First' అనే భావన ప్రతి ఇంటికి చేరేలా కార్యక్రమాలు రూపొందించాలన్నారు. యువత, విద్యార్థులు దేశ భవిష్యత్తు నిర్మాణంలో కీలక పాత్ర పోషించేలా గ్రామ స్థాయి నుంచి నాయకత్వ వేదికలు ఏర్పాటు చేయాలన్నారు.

ఈ సమీక్ష సమావేశంలో మంత్రులు అచ్చన్నాయుడు, పయ్యావుల కేశవ్, వంగలపూడి అనిత, సీఎస్ సాయి ప్రసాద్, పలు జిల్లాల కలెక్టర్లు పాల్గొన్నారు. గ్రామాల్లో స్వచ్ఛంద సేవా స్ఫూర్తిని పునరుద్ధరించి, యువతలోని శక్తిని నేషన్ బిల్డింగ్ కోసం ఉపయోగించాలని సీఎం చెప్పారు. ప్రజలను ప్రేక్షకులుగా కాకుండా రాష్ట్ర భవిష్యత్తులో స్టేక్ హోల్డర్లుగా మార్చాలన్నారు.

ఈ కార్యక్రమాన్ని మాస్ మూవ్‌మెంట్‌గా మార్చాలని సీఎం దిశానిర్దేశం చేశారు.