2027 డిసెంబరు నాటికి ప్రతి ఇంటికి ట్యాప్ నీరు: సీఎం చంద్రబాబు

2027 డిసెంబరు నాటికి రాష్ట్రంలోని ప్రతి ఇంటికీ ట్యాప్ ద్వారా నీటి సరఫరా చేస్తామని ఆంధ్రప్రదేశ్ ముఖ్యమంత్రి చంద్రబాబు నాయుడు ప్రకటించారు. ఒక కార్యక్రమంలో ప్రసంగించిన ఆయన మౌలిక సదుపాయాలు, విద్య, వైద్యం, ఆదాయ పెంపు, నైపుణ్యాభివృద్ధిపై ప్రభుత్వం దృష్టి సారించిందని చెప్పారు.

గిరిజన ప్రాంతాల అభివృద్ధిపై దృష్టి పెట్టినట్టు తెలిపారు. 2,336 గిరిజన ఆవాసాలకు రోడ్లు కల్పించేందుకు డిప్యూటీ సీఎం పవన్ కళ్యాణ్ మిషన్ మోడ్‌లో పని చేస్తున్నారన్నారు. జల్జీవన్ మిషన్ కింద 3,29,991 కుటుంబాలకు ట్యాప్ కనెక్షన్లు ఇవ్వనున్నట్టు వివరించారు.

గిరిజన రైతులు, విద్యార్థులు, ఆసుపత్రులకు వెళ్లేందుకు మెరుగైన రవాణా సౌకర్యం కల్పిస్తామని ప్రభుత్వం భరోసా ఇచ్చింది. రాబోయే మూడేళ్లలో ఈ లక్ష్యాలను చేరుకోవడానికి ప్రణాళిక సిద్ధం చేసినట్టు సీఎం తెలిపారు.