అరకు, పాడేరు, లంబాసింగి సుందరమైన ప్రాంతాలను సందర్శించాలని సీఎం చంద్రబాబు విజ్ఞప్తి

ముఖ్యమంత్రి చంద్రబాబు నాయుడు అరకు, పాడేరు, రొంపచోడవరం, లంబాసింగి తదితర గిరిజన ప్రాంతాలను సందర్శించాలని ప్రజలకు విజ్ఞప్తి చేశారు. ఈ ప్రాంతాల సహజ సౌందర్యం, స్వచ్ఛమైన గాలి ప్రత్యేకతను ఆయన గొప్పగా చెప్పారు.

చంద్రబాబు మాట్లాడుతూ, భోగాపురం ఎయిర్పోర్టు, అల్లూరి సీతారామరాజు ఎయిర్పోర్టు ద్వారా ఈ ప్రాంతాలకు ఒక గంటలో చేరుకోవచ్చని తెలిపారు. రాష్ట్రంలో చాలా మంచి రోడ్లు నిర్మిస్తున్నామని వివరించారు. ఈ ప్రాంతాల్లో ఉష్ణోగ్రత ఎప్పుడూ 30-32 డిగ్రీలు దాటదని, కశ్మీర్ కంటే మెరుగైన వాతావరణం ఉంటుందని చెప్పారు.

టూరిజాన్ని ప్రోత్సహిస్తామని, గిరిజన మహిళలు తమ ఇళ్లనే హోంస్టేలుగా మార్చి పర్యాటకులకు సేవలు అందించాలని ఆయన కోరారు. నగర జీవితంలోని టెక్నాలజీ ఒత్తిడి నుంచి ఉపశమనం పొందడానికి ఈ ఆదివాసి ప్రాంతాలు ఉత్తమమైనవని సూచించారు.