సింగపూర్‌లో స్టార్టప్ వెంచర్ క్యాపిటలిస్టులతో చంద్రబాబు సమావేశం

ఆంధ్రప్రదేశ్ ముఖ్యమంత్రి చంద్రబాబు నాయుడు సింగపూర్ పర్యటనలో స్టార్టప్ వెంచర్ క్యాపిటలిస్టులతో రౌండ్ టేబుల్ సమావేశం నిర్వహించారు. ఈ సందర్భంగా ఆయన ప్రపంచ ఆహార భద్రతకు భారత్ కీలక సరఫరాదారుగా మారుతుందనే ఆశాభావాన్ని వ్యక్తం చేశారు. భారత్లో వ్యవసాయ రంగంలో పుష్కలమైన అవకాశాలు ఉన్నాయని, పెట్టుబడిదారులను ఆకర్షించడానికి సరైన వేదిక ఇదేనని ఆయన వివరించారు. సింగపూర్‌లోని టెక్ పెట్టుబడిదారులతో సంభాషించిన చంద్రబాబు, ఆంధ్రప్రదేశ్‌లో స్టార్టప్ ఎకో సిస్టం బలోపేతం చేయడంపై చర్చించినట్లు తెలుస్తోంది. ఈ సమావేశంలో ప్రపంచ వ్యవసాయ సవాళ్లు, భారత్‌లో అవకాశాలపై ప్రధానంగా చర్చ జరిగింది.