శ్రీకాకుళంలో స్వర్ణాంధ్ర స్వచ్ఛాంధ్ర కార్యక్రమం: చంద్రబాబు కీలక ప్రకటనలు

AP CM చంద్రబాబు నాయుడు శనివారం శ్రీకాకుళం జిల్లా నరసన్నపేటకు వెళ్లారు. అక్కడ స్వర్ణాంధ్ర స్వచ్ఛాంధ్ర కార్యక్రమంలో పాల్గొని పలు ప్రకటనలు చేశారు.

రాష్ట్రంలో ఎక్కడా చెత్త కనపడకూడదని చంద్రబాబు స్పష్టం చేశారు. ప్లాస్టిక్ వాడకాన్ని పూర్తిగా తగ్గించాలని పిలుపు ఇచ్చారు. చెత్త నుంచి విద్యుత్ తయారు చేయవచ్చని వివరించారు. మున్సిపల్ కార్మికుల సేవలను ఆయన ప్రశంసించారు.

తల్లికి వందనం పథకం కింద ఇప్పుడు ₹15,000 అందిస్తున్నారు. దీన్ని మరింత పెంచే ఆలోచన చేస్తున్నట్లు CM తెలిపారు. మూడో బిడ్డ పుట్టినప్పుడు ₹30,000, నాలుగో బిడ్డ పుట్టినప్పుడు ₹40,000 ఇవ్వాలని ప్రభుత్వం ఆలోచిస్తోందని ప్రకటించారు.

భూ రికార్డుల విషయంలో blockchain technology, QR code వినియోగించి సర్వే చేస్తున్నారని CM వివరించారు. వచ్చే మార్చి 27 నాటికి భూ తగాదాలు లేకుండా చేయడమే లక్ష్యమని పేర్కొన్నారు. ఈ చర్యలతో భూ వివాదాలు తగ్గుతాయని ఆయన అభిప్రాయపడ్డారు.