TDP మహానాడు 2026: వచ్చే ఎన్నికల్లో మహిళలకు 33% సీట్లు ఇస్తాం — చంద్రబాబు

TDP మహానాడు సమావేశంలో మాట్లాడుతూ AP CM చంద్రబాబు నాయుడు కీలక ప్రకటన చేశారు. దేశంలో మహిళా రిజర్వేషన్ చట్టం అమలు కాకపోయినా, వచ్చే అసెంబ్లీ ఎన్నికల్లో TDP నుంచి మహిళలకు 33% సీట్లు కేటాయిస్తామని చెప్పారు.

ప్రతి ఇంటికి సంక్షేమ పథకాలు చేరేలా చూస్తున్నామని చంద్రబాబు తెలిపారు. CM అంటే common man కి అందుబాటులో ఉండాలని, అప్పుడే పేదవారికి న్యాయం జరుగుతుందని పేర్కొన్నారు.

త్వరలో స్థానిక సంస్థల ఎన్నికలు వస్తున్నాయని, వాటిపై పార్టీ కార్యకర్తలు దృష్టి పెట్టాలని చంద్రబాబు విజ్ఞప్తి చేశారు. 2029 అసెంబ్లీ ఎన్నికలకు ఇప్పటి నుంచే సన్నద్ధమవ్వాలని కార్యకర్తలను కోరారు.

ఈ విషయంపై YSRCP స్పందన తెలియాల్సి ఉంది.