అర్నబ్ తుఫాన్‌పై సీఎం చంద్రబాబు టెలికాన్ఫరెన్స్, పంట నష్టంపై సమీక్ష

అర్నబ్ తుఫాన్ ప్రభావంపై ఆంధ్రప్రదేశ్ ముఖ్యమంత్రి చంద్రబాబు నాయుడు అధికారులతో టెలికాన్ఫరెన్స్ నిర్వహించారు. తుఫాన్ ప్రభావిత ప్రాంతాల్లో పరిస్థితులను ఆయన ఎప్పటికప్పుడు సమీక్షిస్తున్నారు.

ఈ టెలికాన్ఫరెన్స్‌లో విద్యుత్, ఇరిగేషన్, ఆర్ అండ్ బి, వ్యవసాయం, పట్టణ అభివృద్ధి, పంచాయతీరాజ్ శాఖల ఉన్నతాధికారులు పాల్గొన్నారు. రాష్ట్ర స్థాయి యంత్రాంగం నుంచి క్షేత్ర స్థాయి సిబ్బంది వరకు అందరూ తుఫాన్ సమయంలో ఏయే చర్యలు తీసుకోవాలో సీఎం దిశానిర్దేశం చేశారు.

పంట నష్టంపై సీఎం అధికారులను అడిగి వివరాలు తెలుసుకున్నారు. ఇప్పటివరకు 5,000 హెక్టార్లలో అరటి, 8,000 హెక్టార్లలో కొబ్బరి తోటలు ధ్వంసమైనట్టు అధికారులు తెలిపారు.

తుఫాన్‌పై రాష్ట్ర ప్రభుత్వం తీసుకుంటున్న చర్యలను కేంద్రానికి వివరించాలని సీఎం ఆదేశించారు. తుఫాన్ వల్ల జరిగిన నష్టాన్ని కేంద్రం దృష్టికి తీసుకెళ్లాలని ఆయన సూచించారు.