అర్ణబ్ తుఫాన్ ప్రభావం: ఉప్పాడ బీచ్ రోడ్డు ధ్వంసం, మూడు చోట్ల కోత

కాకినాడ జిల్లా ఉప్పాడ సముద్ర తీరంలో అర్ణబ్ తుఫాన్ ప్రభావంతో భారీ అలలు ఎగిసిపడుతున్నాయి. ఉప్పాడ నుంచి కాకినాడ వెళ్లే బీచ్ రోడ్డు భారీగా దెబ్బతింది.

ఉప్పాడ-కొత్తపట్నం మార్గంలో మూడు చోట్ల రోడ్డు కోతకు గురైంది. ఒక్కో చోట 10 నుంచి 20 అడుగుల మేర రోడ్డు కోతపోయింది. ఇటీవల నిర్మించిన సీసీ రోడ్డు కూడా దెబ్బతినడంతో రాకపోకలు పూర్తిగా నిలిచిపోయాయి.

సముద్రం ముందుకు రాకుండా ఆరు అడుగుల ఎత్తులో బండరాలు ఏర్పాటు చేశారు. రాత్రి 100 నుంచి 160 కిలోమీటర్ల వేగంతో గాలులు వీచాయని అధికారులు చెప్తున్నారు. ఆ అలల ధాటికి బండరాలు ఎగిసిపడి రోడ్డు మీద పడ్డాయి.

సముద్రపు నీరు కొత్తపట్నం పరిసర గ్రామాల్లోకి చేరింది. పలు ఇళ్ల పూరీలు, రేకులు దెబ్బతిన్నాయి. స్థానికులు చెప్పిన ప్రకారం సుమారు 1.5 కిలోమీటర్ల మేర తీరం కోతకు గురైంది. సముద్రం మళ్లీ ఉప్పొంగితే గ్రామాల్లోకి నీరు చేరే ప్రమాదం ఉందని అధికారులు అంచనా వేస్తున్నారు.

జేసి అపూర్వ భరత్ ఘటనాస్థలానికి వచ్చి పరిస్థితిని పరిశీలించారు. రోడ్డు పునరుద్ధరణకు ఎంత సమయం, ఎంత ఖర్చు అవుతుందని ఆయన అధికారులతో అంచనా వేశారు. స్థానికులను పునరావాస కేంద్రాలకు తరలించారు.

ఈ రోడ్డుపై తదుపరి నిర్ణయాలు తీసుకునేందుకు అధికారులు సమీక్ష సమావేశం నిర్వహిస్తున్నారు. ఈరోజు సాయంత్రం వరకు భారీ అలలు కొనసాగుతాయని, తుఫాన్ ప్రభావం మరో రెండు రోజులు ఉంటుందని అధికారులు చెప్తున్నారు.