అర్నాబ్ తుఫాన్‌తో కాకినాడ ఉప్పాడ తీరం అల్లకల్లోలం.. ఇళ్లపై బండరాళ్లు

అర్నాబ్ తుఫాన్ ప్రభావంతో కాకినాడ జిల్లా ఉప్పాడ తీర ప్రాంతం అల్లకల్లోలంగా మారింది. తీరం వెంట ఉన్న ఇళ్లపై బండరాళ్లు పడి భారీ నష్టం జరిగింది. కొన్ని గ్రామాలు బయటి ప్రపంచంతో సంబంధాలు తెగిపోయాయి.

తుఫాన్ తీరం దాటిన తర్వాత కెరటాల ఉధృతి పెరిగింది. సముద్రం నీరు కుంభాభిషేకం రేవు నుంచి కొప్పాడ కొత్తపల్లి వరకు ఇళ్లలోకి చేరింది. తాళ్లరేవు నుంచి తొండంగి వరకు ఇదే పరిస్థితి కొనసాగుతోంది.

తీరం అడ్డుగా ఏర్పాటు చేసిన బండరాళ్లు ఎగిరి రోడ్లపై పడ్డాయి. దీంతో రోడ్లన్నీ బ్లాక్ అయ్యాయి. ఎలక్ట్రికల్ పోల్స్ దెబ్బతినడంతో కరెంట్ లేదు. భారీ చెట్లు నేలకొరిగాయి.

నిన్న మధ్యాహ్నం నుంచి ఎడతెరిపి లేకుండా వర్షం కురుస్తోంది. ఈదురుగాలులు తీవ్రంగా వీస్తున్నాయి. ఉప్పాడ కొత్తపల్లి మండలంలోని కానరావుపేట, మూలపేట, సుబ్బంపేట వంటి గ్రామాలకు రాకపోకలు నిలిచిపోయాయి. కొన్ని వేల మంది పునరావాస కేంద్రాల్లో ఉన్నారు. మరికొంతమంది ఇళ్లలోనే ఉండిపోయారు.

అధికారులు ముందుగానే పునరావాస కేంద్రాలకు వెళ్లాలని సూచించారు. కొంతమంది ఆ సూచనలను పాటించలేదు. తర్వాత ప్రత్యేక బోట్లతో వారిని బయటకు తీసుకెళ్లారు. తుఫాన్ తీరం దాటినా వర్షం ప్రభావం ఈ సాయంత్రం, రేపు కూడా కొనసాగుతుందని అంచనా వేస్తున్నారు.