విజయవాడలో గిరిజన దినోత్సవం: సీఎం చంద్రబాబు పాల్గొని డప్పు కొట్టారు

విజయవాడలోని డాక్టర్ బి.ఆర్. అంబేద్కర్ కళావేదికలో ప్రపంచ గిరిజన దినోత్సవ వేడుకలు ఘనంగా జరిగాయి. ముఖ్యమంత్రి నారా చంద్రబాబు నాయుడు ఈ కార్యక్రమంలో పాల్గొన్నారు.

సీఎం వేదికపై డప్పు కొట్టి గిరిజన కళాకారులతో కలిసి నృత్యం చేశారు. ఈ సందర్భంగా ఆయన మాట్లాడుతూ రాష్ట్రపతి ద్రౌపది ముర్ము గారి జీవితం గిరిజన యువతకు స్ఫూర్తినిస్తుందని, మాజీ ముఖ్యమంత్రి ఎన్టీఆర్ పేద, గిరిజన సంక్షేమానికి చేసిన కృషిని గుర్తు చేశారు.

గిరిజన సంక్షేమ శాఖ ఆధ్వర్యంలో సీఎం సమక్షంలో 20 కీలక ఒప్పందాలు సంతకం చేశారు. గిరిజనులకు విద్య, ఉపాధి అవకాశాలు మెరుగుపరచడమే ప్రభుత్వ లక్ష్యమని తెలిపారు.

ఆగష్టు 15 వరకు గిరిజన దినోత్సవ కార్యక్రమాలు కొనసాగుతాయని, యువతకు స్ఫూర్తిగా ఉండేలా డిక్లరేషన్ విడుదల చేశామని సీఎం ప్రకటించారు.