చంద్రగిరి టీచర్లు మెగా డీఎస్సీ పారదర్శకతను సమర్థించారు

తిరుపతి జిల్లా చంద్రగిరి నియోజకవర్గంలోని పనపాకం పంచాయతీలో టీచర్లు సమావేశమయ్యారు. ఎమ్మెల్యే పులివర్తి నాని వారితో మాట్లాడారు.

ఈ సందర్భంగా టీచర్లు మెగా డీఎస్సీ ప్రక్రియ పూర్తిగా పారదర్శకంగా జరిగిందని, అక్రమాల ఆరోపణలు నిరాధారమని అన్నారు. పరీక్ష పేపర్ లీకేజీ వార్తలు అవాస్తవమని, ఎగ్జామ్‌కు గంట ముందు మాత్రమే పేపర్ కంప్యూటర్ లాంగ్వేజ్ నుంచి డీకోడ్ అవుతుందని తెలిపారు.

తాము 2019 నుంచి సుదీర్ఘంగా ప్రిపేర్ అయ్యామని, కష్టపడి చదివి ఈ ఉద్యోగాలు సాధించామని చెప్పారు. డబ్బులు ఇచ్చి ఉద్యోగాలు కొన్నారనే ప్రచారం తమ కుటుంబాల మానసిక స్థితిని దెబ్బతీస్తోందని ఆవేదన వ్యక్తం చేశారు. రాజకీయ లబ్ధి కోసం అసత్య ప్రచారాలు మానుకోవాలని కోరారు.