చీమకుర్తి చోరీ కేసు భేదించిన పోలీసులు: బంగారం, వెండి, నగదు రికవరీ

ప్రకాశం జిల్లా చీమకుర్తిలో ఈ నెల 12న జరిగిన చోరీ కేసును పోలీసులు భేదించారు. పేటబజార్‌లో నివసించే నాగేష్ బాబు ఇంటిలో దొంగతనం జరిగింది. ఆ ఇంటి నుండి దాదాపు 34 సవర్ల బంగారం, 1.5 కిలోల వెండి, మరియు దాదాపు ₹6 లక్షల నగదు దొంగిలించబడింది.

సాంకేతిక ఆధారాలు మరియు వేలిముద్రల సాయంతో పోలీసులు నిందితుడిని గుర్తించారు. నెల్లూరు జిల్లా సీతారామపురానికి చెందిన 19 ఏళ్ల ప్రసాద్ రెడ్డి అనే వ్యక్తిని కనిగిరి శివాలయం దగ్గర అరెస్టు చేశారు. నిందితుడు పైకప్పు మీద నుండి ఇంట్లోకి ప్రవేశించి చోరీకి పాల్పడ్డాడని పోలీసులు తెలిపారు.

బంగారం మరియు వెండి సహా మొత్తం స్వాధీనం చేసుకున్నారు. నిందితుడు బ్యాంకులో డిపాజిట్ చేసిన ₹5,95,000 నగదును కూడా బ్యాంకు నుండి విత్‌డ్రా చేయించి 100% రికవరీ చేసినట్టు పోలీసులు వెల్లడించారు.