సాయి కృష్ణ మృతి కేసు: సీఐ నాగరాజుపై వరుసగా మూడో రోజు సిట్ ప్రశ్నలు

విజయవాడలో సాయి కృష్ణ కస్టోడియల్ మరణం కేసులో సిట్ విచారణ కొనసాగుతోంది. ఈ కేసులో ఆరోపణలు ఎదుర్కొంటున్న సి.ఐ. నాగరాజును వరుసగా మూడో రోజు సుదీర్ఘంగా ప్రశ్నించారు. సుమారు ఎనిమిది గంటల పాటు ఈ ప్రశ్నలు సాగినట్లు సమాచారం.

ఈ విచారణలో కస్టోడియల్ టార్చర్, మృతదేహం అదృశ్యం, స్వర్గపురి రికార్డుల్లో తేడాలు, ఆర్ఎంపీ డాక్టర్ చికిత్స, సాయి కృష్ణ తల్లిని బెదిరించడం వంటి అంశాలపై దృష్టి పెట్టినట్లు తెలుస్తోంది. మృతదేహం అదృశ్యం వెనుక ఎవరైనా ఆదేశాలు ఉన్నాయా అనే కోణంలో కూడా సిట్ ప్రశ్నించినట్లు సమాచారం.

అయితే, సి.ఐ. నాగరాజు సిట్ ప్రశ్నలకు పూర్తిగా సహకరించలేదని, కొన్ని ప్రశ్నలకు సమాధానం చెప్పకుండా మౌనంగా ఉన్నట్లు సమాచారం. ఈ రోజు నాలుగో రోజు కూడా ఆయన్ను విచారించనున్నారు.