నంద్యాల లో వైఎస్ రాజశేఖర్ రెడ్డి విగ్రహాన్ని ధ్వంసం, సీఎం చంద్రబాబు తీవ్ర ఖండన

నంద్యాల లో వైఎస్ రాజశేఖర్ రెడ్డి విగ్రహాన్ని గుర్తు తెలియని వ్యక్తులు ధ్వంసం చేశారు. ఈ సంఘటన ఆంధ్రప్రదేశ్ రాజకీయాల్లో కొత్త వివాదానికి దారితీసింది.

పోలీసులు స్పందించి 20 నిమిషాల్లోనే నిందితుడిని అదుపులోకి తీసుకున్నట్లు సమాచారం. విగ్రహ ధ్వంసం వెనుక ఎవరున్నారనే దానిపై దర్యాప్తు కొనసాగుతోంది.

సీఎం చంద్రబాబు నాయుడు ఈ సంఘటనపై తీవ్రంగా స్పందించారు. ఒక రాజకీయ పార్టీ కార్యకర్తే ఈ ధ్వంసానికి పాల్పడి, తర్వాత తెలుగుదేశం పార్టీపై నింద వేసే ప్రయత్నం చేశారని ఆయన ఆరోపించారు. అయితే ఈ వ్యక్తి అడ్డంగా దొరికిపోయాడని, అతడు ఆ పార్టీకి చెందిన వాడిగా గుర్తించామని చెప్పారు.

విగ్రహాన్ని ధ్వంసం చేసి ప్రజల సానుభూతి పొందే ప్రయత్నం ఇది అని సీఎం విమర్శించారు. సాక్షి పేపర్ ఈ వార్తను ఎందుకు ప్రచురించలేదని ప్రశ్నించారు. ఈ విషయంపై వైఎస్ఆర్ కాంగ్రెస్ పార్టీ స్పందన తెలియాల్సి ఉంది.