ఎస్ఐఆర్ ప్రక్రియలో అప్రమత్తంగా ఉండాలని టీడీపీ ఎమ్మెల్యేలకు సీఎం చంద్రబాబు దిశానిర్దేశం

ఆంధ్రప్రదేశ్ ముఖ్యమంత్రి చంద్రబాబు నాయుడు టీడీపీ ఎమ్మెల్యేలు, ఎంపీలు, ఎమ్మెల్సీలు, ఇంచార్జిలు, అబ్జర్వర్లకు ఓటర్ల జాబితా ప్రత్యేక పునఃపరిశీలన (SIR) ప్రక్రియలో అప్రమత్తంగా ఉండాలని దిశానిర్దేశం చేశారు.

జూన్ 15 నుంచి జూలై 14 వరకు రెండు దఫాలుగా ఈ ప్రక్రియ నిర్వహిస్తారని, 2002 నాటి ఓటర్ల జాబితా ఆధారంగా చేపడతారని సీఎం వివరించారు.

ఓటర్ల జాబితాలో తమ పార్టీ ఓట్లు తొలగించే ప్రయత్నాలు జరగవచ్చని హెచ్చరించిన చంద్రబాబు, అటువంటి వాటిని నిరోధించేందుకు ప్రతి ఒక్కరూ జాగ్రత్తగా ఉండాలని సూచించారు.

బీజేపీ, జనసేన వంటి మిత్రపక్షాలతో సమన్వయం చేసుకోవాలని, టీడీపీ ఎమ్మెల్యేలు లేని చోట్ల ఆయా పార్టీల ఎమ్మెల్యేలతో కలిసి పనిచేయాలని ఆదేశించారు.

బూత్ లెవెల్ ఏజెంట్లు, అబ్జర్వర్లు, మండల ఇంచార్జీలతో సహా అన్ని స్థాయిల్లోనూ పార్టీ శ్రేణులు సంపూర్ణంగా అప్రమత్తంగా ఉండాలని సీఎం స్పష్టం చేశారు.

ఈ నెల 14వ తేదీ లోపు ఓట్లు నమోదు కాకపోతే అనేక ఇబ్బందులు తలస్తాయని హెచ్చరించారు.

పవర్ ఆఫ్ సైకిల్ కార్యక్రమంలో భాగంగా, టీడీపీ గుర్తు సైకిల్ ప్రచారం కోసం తాను నెలలో కొన్ని రోజులు సైకిల్ మీద కార్యక్రమాలకు వెళ్తానని, ప్రతి నేతా ఎలక్ట్రిక్ సైకిల్ ఉపయోగించాలని పిలుపునిచ్చారు.

ఈ సమావేశానికి కొందరు ఎమ్మెల్యేలు, ఎంపీలు, అబ్జర్వర్లు గైర్హాజరయ్యారు. వారి హాజరు శాతం చదివి వినిపించిన సీఎం, సక్రమ కారణం లేకుండా గైర్హాజరైతే చర్యలు తీసుకుంటామని హెచ్చరించారు.