నలగంపల్లిలో నెట్-జీరో ఇళ్లను పరిశీలించిన సీఎం చంద్రబాబు; కుప్పంలో ఆరోగ్య సేవల ప్రారంభం

కుప్పం నియోజకవర్గ పర్యటన రెండో రోజు ముఖ్యమంత్రి చంద్రబాబు నాయుడు నలగంపల్లి గ్రామంలో నెట్-జీరో ఇళ్లను సందర్శించారు. గ్రామంలో రూఫ్ టాప్ సోలార్ ప్యానెల్స్, ఇండక్షన్ స్టవ్‌లు, టెర్రస్ గార్డెనింగ్, వర్షపు నీటి సంరక్షణ వ్యవస్థలను స్వయంగా చూశారు. సోలార్ ప్యానెల్‌ల ద్వారా ఉత్పత్తి అయ్యే కరెంటు ఇంటి అవసరాలకు సరిపోతుందా అని గ్రామస్తులను అడిగారు. ఇండక్షన్ స్టవ్‌లు వాడుతూ విద్యుత్ ఖర్చు తగ్గిందని గ్రామస్తులు వివరించారు.

ఈ సందర్భంగా ముఖ్యమంత్రి రాయలసీమలో లక్ష కోట్ల రూపాయలతో హార్టికల్చర్ హబ్ ఏర్పాటు చేస్తామని ప్రకటించారు. అలాగే, కుప్పం ప్రాంతీయ ఆస్పత్రిలో సిటీ స్కాన్, డయాలసిస్ కేంద్రాలను ప్రారంభించి సేవలను పరిశీలించారు. సంజీవని కార్యక్రమం అమలు, హెల్త్ రికార్డుల డిజిటలైజేషన్, ఆస్పత్రి పరిశుభ్రతపై అధికారులకు స్పష్టమైన ఆదేశాలు ఇచ్చారు.

ప్రజలు తమ ఆరోగ్యం పట్ల శ్రద్ధ వహించాలని, చెడు అలవాట్లకు దూరంగా ఉ ండాలని చంద్రబాబు సూచించారు. డ్రగ్స్, గంజాయి వంటి వ్యసనాల నివారణకు ప్రత్యేక చర్యలు తీసుకోవాలని అన్నారు. ఎక్కడ పని చేసినా ఆనందంగా చేయడమే ముఖ్యమని పేర్కొన్నారు.