పెండింగ్‌లో ఇల్లు, స్థలాల క్రమబద్ధీకరణకు సీఎం చంద్రబాబు ఆదేశాలు

ఆంధ్రప్రదేశ్ ముఖ్యమంత్రి చంద్రబాబు నాయుడు మంగళవారం ఆర్టీజీ సెంటర్‌లో సమీక్షా సమావేశం నిర్వహించారు. రాష్ట్రంలో చాలా కాలంగా పెండింగ్‌లో ఉన్న ఇల్లు, స్థలాల క్రమబద్ధీకరణపై కీలక నిర్ణయం తీసుకున్నారు. జిల్లా స్థాయిలో సాధ్యమైనంత వరకు క్రమబద్ధీకరణ ప్రక్రియ పూర్తి చేయాలని, కుదరని సందర్భాలను క్యాబినెట్‌కు తీసుకురావాలని ఆదేశించారు.

ఈ మేరకు జిల్లా కలెక్టర్ల నుంచి పూర్తి సమాచారం సేకరించి, క్రమబద్ధీకరించాల్సిన స్థలాల జాబితా సిద్ధం చేయాలని సీఎం సూచించారు. వివిధ సాకులతో ఈ దరఖాస్తులను వాయిదా వేస్తున్నారని, దీనికి ముగింపు పలకాలని స్పష్టం చేశారు. అలాగే గృహ నిర్మాణ శాఖలో పెండింగ్ బిల్లుల చెల్లింపు ప్రక్రియను వేగవంతం చేయాలని ఆదేశించారు. సమస్య పరిష్కారం కాని పక్షంలో క్యాబినెట్‌లో ప్రతిపాదించి తుది నిర్ణయం తీసుకుంటామని తెలిపారు.