తెలంగాణ ప్రజల హక్కులే ప్రాధాన్యం: రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి, రాష్ట్ర ప్రజల హక్కులు, రైతుల సమస్యలు తనకు ప్రాధాన్యమని స్పష్టం చేశారు. తెలంగాణ ప్రయోజనాల కోసం ఎవరినీ లెక్క చేయనని, మహారాష్ట్ర ముఖ్యమంత్రి అయినా, కేంద్ర మంత్రి కిషన్ రెడ్డి అయినా తనకు పట్టించుకోనన్నారు.

ఆదిలాబాద్, కరీంనగర్, నిజామాబాద్, మెదక్ జిల్లాల్లోని సాగునీటి ప్రాజెక్టులు, రైతాంగ సమస్యలపై ప్రత్యేక దృష్టి పెడతానని ఆయన తెలిపారు. అనేక ప్రాజెక్టులు అర్ధాంతరంగా ఆగిపోయాయని, వాటికి అనుమతులు, నిధుల కోసం స్థానిక ఎమ్మెల్యేలు ఒక్కటి కావాలని సూచించారు.

నియోజకవర్గాల్లోని ఎమ్మెల్యేలు, నేతలు సమన్వయంతో డిమాండ్ చేస్తే, ప్రాజెక్టులకు అవసరమైన అనుమతులు, నిధులు ఇచ్చే బాధ్యత తెలంగాణ ప్రభుత్వం తీసుకుంటుందని రేవంత్ రెడ్డి హామీ ఇచ్చారు.