ప్రభుత్వం సేవకుడే, పాలకుడు కాదు : సీఎం రేవంత్ రెడ్డి; టీజీపీఎస్సీ ద్వారా ఈ నెలలో ఉద్యోగ నోటిఫికేషన్లు

తెలంగాణ ముఖ్యమంత్రి రేవంత్ రెడ్డి తన ప్రభుత్వం ప్రజలకు సేవకుడిగా వ్యవహరిస్తుందని, పాలకుడిగా కాదని అన్నారు. ఈ నెలలో టీజీపీఎస్సీ ద్వారా పలు శాఖల్లో ఉద్యోగ నోటిఫికేషన్లు ఇస్తామని ప్రకటించారు.

ఇంజనీరింగ్, పొల్యూషన్ కంట్రోల్ బోర్డ్, అటవీశాఖ, టౌన్ అండ్ కంట్రీ ప్లానింగ్, విద్యాశాఖల్లో ఖాళీల భర్తీకి నోటిఫికేషన్లు విడుదల చేస్తామని ఆయన వివరించారు. ఉద్యోగ నియామకాలను పారదర్శకంగా చేపట్టామని, లీగల్ సమస్యలు లేకుండా కొలువులిచ్చామని తెలిపారు.

ప్రభుత్వ పాత్ర గురించి మాట్లాడుతూ సీఎం 'ప్రభుత్వం అంటే కొన్ని చేతుల్లో అధికారం కాదు. అది నాలుగు కోట్ల ప్రజల ప్రతినిధి. మేము పాలకులం కాదు, సేవకులం' అని పేర్కొన్నారు.

రైతు సంక్షేమానికి చేస్తున్న కృషిని ఉటంకిస్తూ, గత రెండున్నరేళ్లలో ధాన్యం కొనుగోలు కోసం రైతులకు ₹82,840 కోట్లు చెల్లించామని ఆయన తెలిపారు.