కాక్రోచ్ జనతా పార్టీ ఈ నెల 14న హైదరాబాద్‌లో నిరసన

కాక్రోచ్ జనతా పార్టీ ఈ నెల 14న హైదరాబాద్‌లో నిరసన ప్రదర్శన నిర్వహించనుంది. పార్టీ వర్గాలు ఈ విషయాన్ని ప్రకటించాయి. గతంలో ఈ పార్టీ ఢిల్లీ, మహారాష్ట్రలోని పూణేలో నిరసనలు చేపట్టింది. పూణేలో క్రికెట్ జెర్సీ ధరించి నిరసనలో పాల్గొన్న పార్టీ వ్యవస్థాపకుడు దీపక్, ఇప్పుడు హైదరాబాద్‌లోనూ ప్రదర్శనకు సిద్ధమయ్యారు.

దీపక్ యువతకు కీలక పిలుపునిస్తూ, ప్రస్తుత రాజకీయాల్లో సాగుతున్న మత రాజకీయాలకు విద్యార్థులు దూరంగా ఉండాలని సూచించారు. విద్యావంతులు ఇలాంటి విభజన రాజకీయాల్లో పాల్గొని తమ భవిష్యత్తును పాడు చేసుకోవద్దని హితవు పలికారు.

కాక్రోచ్ జనతా పార్టీ తొలిసారి ఢిల్లీలో నిరసన చేపట్టింది. ఆ తర్వాత పూణేలో జరిగిన ప్రదర్శనకు విస్తృత స్పందన లభించింది. హైదరాబాద్‌లోనూ భారీ ఎత్తున ప్రదర్శన జరగనుందని పార్టీ వర్గాలు తెలిపాయి.